Monday, January 10, 2011

Kuv Me Leej Nus ♥

Tshuav 6 hnub ntxiv lawm xwb ces yuav yog 2 xyoo lawm. Koj puas tseem nco tau wb txoj kev hlub os? Ntshe ntev li no, koj twb tsis xav txog lawm. Ntshe koj twb tsis nco qab tias kuv yog koj li nplooj siab hauv koj lub neej ib zaug.

Kuv zoo siab tias tau 2 lub xyoo no kuv kuj nyob xeeb tsis muaj dab tsi khuam siab khuam ntsws...tab sis ua cas hmo no kuv ho hnov kuv nplooj siab mob mob thiab nco nco txog koj os. Yog tias xav txog tus neeg ces twb tsis nco kiag li, tsuas yog muaj qhov uas txav deb deb xwb. Tab sis yog tias xav txog kuv lub siab hlub koj thiab koj txoj kev hlub hlub kuv ces kuv xav pos qhov muag quaj xwb.

Kuv pom luag zoo siab luag ntxhi nrog koj. Hu koj ua phooj ywg thiab tuav koj lub npe, tab sis ua cas kuv ho ua tsis tau li luag? Cas kuv ho ntaus tsis tau kev phooj ywg nrog koj?

Thaum twg lub ntuj mam li tso txoj kev mob, txoj kev nco, thiab txoj kev kho siab no mus? Thaum twg mam li tsis xav txog koj, mam li zoo siab tias kuv tsis yog tus koj xaiv? Thaum twg txoj kev ua phooj ua ywg thiaj li yuav zoo li qub, thiaj li yuav muaj kev luag, kev zoo siab ua ke os?

No comments:

Post a Comment