Twb txog lub sij hawm, koj wb twb yuav tau sib ncaim.
Twb tsis pom qab hais los twg rau koj.
Thiaj li yuav zoo koj wb ob leeg lub siab na yuam.
Wb sib ntsib sib pom ib vuag zoo li npau suav xwb.
Tiam sis kuv twb nyiam hlub koj lawm tiag.
Txim thaum koj hais lus txaus nyiam raug kuv lub siab.
Hluas nkauj hmoob tus neeg zoo aws, xav kom wb txoj kev sib hlub,
txawj zoo li nkauj hnub nraug hli, rov qab tawm tuaj ci tsis paub tuag.
Es kom wb ob leeg thiaj li tau rov sib cuag.
Mam nyob koj nawb mog, kuv yuav ncaim koj rov qab.
Txawm koj nrog leej twg tham, los thov nco ntsoov tias muaj kuv ntsib koj thiab mog,
ces yeej zoo kuv lub siab lawm os.
Me nkauj hmoob tus neeg zoo aws, xav kom wb txoj kev sib hlub,
txawj zoo li nkauj hnub nraug hli, rov qab tawm tuaj ci tsis paub tuag.
Es kom wb ob leeg thiaj li tau rov sib cuag.
Mam nyob koj nawb mog, kuv yuav ncaim koj rov qab.
Txawm koj nrog leej twg tham, los thov nco ntsoov tias muaj kuv ntsib koj thiab mog,
ces yeej zoo kuv lub siab lawm os.
No comments:
Post a Comment