Sunday, September 12, 2010

Swb Koj Rau Luag

Hnub no yog hnub ua koj yuav ncaim mus
Tus neeg kuv hlub thov koj mus ntsib kev zoo siab
Khuv xim kawg kiag tuav tsis tau koj nyob rau hauv lub xub ntiag
Kua muag iab muab los nqos los kho lub siab

Ua neeg thawj thiab nyob zoo li puav dai taws
Tshuav ib nplooj plawv ntshe yuav sawv ua dab ua xyw
Tuaj quaj tuaj seev tej qub chaws los tsis pom koj nyob qhov twg
Ua siab swb wb txoj kev hlub mus rau luag

Kuv nyob zoo li tus neeg tab sis lwj tag li tus tuag
Yam dig muaj tsis pom kev mus qhov twg tag
Yog tias muaj ib hnub twg ua lub neej tsis raws xav
Wb li mam ua niam txais tog txiv txais nta

Ntshai tsam hmoov tsis txog
Ho tuag nrog kev nco
Tos tsis txog hnub wb rov los sib hlub zaum ob
Txawj ua neeg ua tsiaj, lwj ua dab ua ntxoog
Los kuv tus ntsuj tus plig tseem nws nco ntsoov

No comments:

Post a Comment